សហគមន៍កសិកម្មអភិវឌ្ឍន៍រីកចម្រើន បានរួមចំណែកក្នុងការបណ្តុះបណ្តាលជំនាញកសិកម្ម និងជួយរកទីផ្សារជូនកសិករ

 

ខេត្តសៀមរាប ៖ ថ្ងៃទី២៩ ខែកក្កដា ឆ្នាំ២០២២​​ សហគមន៍កសិកម្មអភិវឌ្ឍន៍រីកចម្រើន ស្ថិតនៅក្នុងស្រុកពួកខេត្តសៀមរាប បានពង្រីកសមាជិករបស់ខ្លួនបានចំនួន១០៤នាក់ នៅក្នុងឆ្នាំ២០២២នេះ ដើម្បីពង្រឹងសមត្ថភាពផលិតផលកសិកម្ម ឱ្យកាន់តែមានគុណភាព និងមានការជឿងជាក់ ពីសំណាក់អតិថិជន ។ លោកស្រី រិន រាន ផ្នែកទីផ្សារនៃសហគមន៍កសិកម្មអភិវឌ្ឍន៍រីកចម្រើន បានឱ្យដឹងថា សហគមន៍នេះ មានសមាជិកចំនួន១០៤នាក់ ក្នុងនោះស្រ្តីចំនួន៨៩នាក់ មកពី០៧ភូមិគោលដៅ ស្ថិតនៅក្នុងឃុំត្រីញ័រ និងឃុំល្វា នៃ

ស្រុកពួក។ លោកស្រីបន្តថាសហគមន៍នេះបង្កើតឡើងក្នុងគោលបំណង ប្រមូលផ្តុំកម្លាំងផលិត និងពង្រឹងសមត្ថភាពផលិតកម្មកសិកម្ម កសិឧស្សាហកម្ម សិប្បកម្មកែច្នៃ សេវាកម្ម ពាក់ព័ន្ធនឹងវិស័យកសិកម្ម លើកកម្ពស់ទិន្នផល បរិមាណ និងគុណ ភាព ការពារតម្លៃផលិតផលកសិកម្ម ដែលប្រជាពលរដ្ឋផលិតបាន ព្រមទាំងលើក កម្ពស់ផលប្រយោជន៍ប្រជានពលរដ្ឋនៅក្នុងមូលដ្ឋាន ជាពិសេសធ្វើការបណ្តុះ បណ្តាលជំនាញនិងបច្ចេក ទេសផ្នែកកសិកម្ម និងជួយរកទីផ្សារជូនសមាជិកនៅ

ក្នុងសហគមន៍ផ្ទាល់តែម្តង។ លោកស្រីបន្តទៀតថា នៅក្នុងសហគមន៍បានធ្វើការបែងជាក្រុម អ្នកដំាបន្លែ ចិញ្ចឹមសត្វ និងក្រុមអ្នកធ្វើវត្ថុអនុស្សាវរីយ៍ផ្សេងៗមានដូចជា កន្រ្តក ជាល ធ្វើពីរពាក់ ផ្ដៅ ឫស្សីជាដើម ដើម្បីផ្គត់ផ្គង់តម្រូវការទីផ្សារ។ គាត់ចូលជាសមាជិកក្នុងសហគមន៍យើងមានបណ្តុះបណ្តាលបច្ចេកទេសកសិកម្ម ដាំបន្លែនិងចិញ្ចឹម សត្វ ហើយប្រមូលទិញនិងរកទីផ្សារឱ្យ កាត់បន្ថយការចំណាកស្រុក ដើម្បីកុំឱ្យទៅ ណាឆ្ងាយពីភូមិ នៅពេលដែលគាត់មានការងារ ដូចជាចិញ្ចឹមសត្វ ដាំដំណាំហើយគាត់មិនពិបាកទៅណាឆ្ងាយស្រុកគឺនៅនឹងភូមិហ្នឹងតែម្តង។ សូមបញ្ជាក់ថា សហគមន៍កសិកម្ម

អភិវឌ្ឍន៍រីកចម្រើន បានបង្កើតឡើងតាំងពីឆ្នាំ ២០១៨មក ដោយផ្តើមចេញ ពីក្រុមជួយខ្លួនឯង ចំនួន០៧ ភូមិគោលដៅ ស្ថិតនៅក្នុងឃុំត្រីញ័រ និងឃុំល្វា នៃស្រុកពួក ដោយមានសមាជិកចំនួន ១០៤នាក់ ក្នុងនោះស្រ្តីចំនួន ៨៩នាក់ ហើយសហគមន៍នេះ មានការចុះបញ្ជីទទួល ស្គាល់ពីមន្ទីរកសិកម្ម រុក្ខា ប្រមាញ់ និងនេសាទខេត្ត សៀមរាប៕

 

(សូមអានបន្ត)

ឯកឧត្តម ស៊ឹម វីរៈ អញ្ជើញដឹកនាំកិច្ចប្រជុំគណ:កម្មការតាក់តែង នៃកិច្ចប្រជុំឧត្តមមន្រ្តីអាស៊ាន

  

ភ្នំពេញ៖ ថ្ងៃទី៣០ ខែកក្កដា ឆ្នាំ២០២២ ឯកឧត្តម ស៊ឹម វីរៈ អគ្គនាយក នៃអគ្គនាយកដ្ឋានអាស៊ាន នៃក្រសួងការបរទេស និងសហប្រតិបត្តិការអន្តរជាតិ អញ្ជើញដឹកនាំកិច្ចប្រជុំនៃគណៈកម្មការតាក់តែង នៃកិច្ចប្រជុំឧត្តមមន្រ្តីអាស៊ាន នៅសណ្ឋាគារសុខា រាជធានីភ្នំពេញ នាព្រឹកថ្ងៃទី៣០ ខែកក្កដា ឆ្នាំ២០២២។

រូបថត៖ ឯល វឌ្ឍនៈ

(សូមអានបន្ត)

បណ្តាគណៈប្រតិភូឧត្តមមន្រ្តីអាស៊ាន អញ្ជើញមកដល់រាជធានីភ្នំពេញ ជាបន្តបន្ទាប់ ដើម្បីចូលរួមកិច្ចប្រជុំរដ្ឋមន្ត្រីការបរទេសអាស៊ានលើកទី៥៥ និងកិច្ចប្រជុំពាក់ព័ន្ធ

 ភ្នំពេញ: ថ្ងៃទី២៩ ខែកក្កដា ឆ្នាំ២០២២បណ្តាគណៈប្រតិភូឧត្តមមន្រ្តីអាស៊ានអញ្ជើញមកដល់ព្រលានយន្តហោះអន្តរជាតិភ្នំពេញជាបន្តបន្ទាប់ នារសៀលថ្ងៃទី២៩ ខែកក្កដា ឆ្នាំ២០២២ ដើម្បីចូលរួមកិច្ចប្រជុំរដ្ឋមន្ត្រីការបរទេសអាស៊ានលើកទី៥៥ (AMM) និងកិច្ចប្រជុំពាក់ព័ន្ធ ដែលប្រព្រឹត្តទៅចាប់ពីថ្ងៃទី២៩ ខែកក្កដា ដល់ថ្ងៃទី០៥ ខែសីហា ឆ្នាំ២០២២ នៅរាជធានីភ្នំពេញ។រូបថត៖ គល់ រ៉េននី និងសួស សាវី

(សូមអានបន្ត)

ប៉ះ​គ្នា​ចុង​​ក្រោយ​នៅ​​ Hun Sen Cup ភ្នំពេញ​ក្រោន ក្អួត​ឈាម​របស់​ ណាហ្គា ចុះ​ស្អែក​ ?

វេលា​ម៉ោង ៦:០០ នាទី​ស្អែក​នេះ​ក្រុម​បាល់ទាត់ ​ភ្នំពេញ​ក្រោន នឹង​ត្រូវ​ប៉ះ​ក្រុម​បាល់ទាត់ ណាហ្គាវើល នៅ​​ពហុ​កីឡដ្ឋាន​ជាតិ ក្នុង​ការ​ប្រកួត​​ពាន​រង្វាន់ Hun Sen Cup 2020 លើក​ទី​១៤ ​វគ្គ​ពាក់​កណ្ដាល​ផ្ដាច់​ព្រ័ត្រ។

​គិត​ត្រឹម​ឆ្នាំ​​២០១៨ មក​ដល់​ពេល​​​នេះ​ ក្រុម​បាល់ទាត់​ណាហ្គាវើល ​ចាញ់ ភ្នំពេញ​ក្រោន​ តែ​មួយ​លើក​ប៉ុណ្ណោះ ពោល​គឺ​ចាញ់​ក្នុង​ការ​ប្រកួត​លីគ​កំពូល​កម្ពុជា​រដូវ​កាល ២០២០​ នេះ​ឯង ដោយ​លទ្ធផល ១-០ ។ ​ប៉ុន្តែ​​សម្រាប់​ចំនួន​នៃ​ការ​ប៉ះ​គ្នា​ចុង​ក្រោយ​គិត​ត្រឹម​ឆ្នាំ​២០១៨គឺ ណាហ្គាវើល ​ធ្វើ​បាន​ល្អ​ជាង ពោល​គឺ​ប៉ះ​គ្នា​៦ លើក ណាហ្គា ឈ្នះ ៣ ស្មើ​គ្នា​២ និង​ភ្នំពេញ​ក្រោន​ឈ្នះ​១​លើក​។

​​រំលឹក​ថា​ក្រុម​ទាំង​ពីរ​ធ្លាប់​ប៉ះ​គ្នា​ចុង​ក្រោយ​ក្នុង​ពាន Hun Sen Cup ​នៅ​ឆ្នាំ​២០១៧ ដែល​ពេល​នោះ​ ណាហ្គាវើល ​ធ្លាប់​បាន​ទម្លាក់​ ភ្នំពេញ​ក្រោន វគ្គ ៨ ក្រុម​ចុង​ក្រោយ ៣-១ ( ​សរុប​លទ្ធផល​ទាំង​ពីរ​ជើង ) ​មុន​ពេល​ឡើង​ទៅ​​ទម្លាក់​​បឹង​កេត​នៅ​វគ្គ​៤ ក្រុម​ចុង​ក្រោយ​ដោយ​លទ្ធផល ៤-២ ( សរុប​លទ្ធផល​ទាំង​ពីរ​ជើង​ ) ​រួច​ពួក​គេ​ក៏​បន្ត​ឡើង​ទៅ​ប៉ះ ស្វាយរៀង​នៅ​វគ្គ​ផ្ដាច់​ព្រ័ត្រ ប៉ុន្តែ​ចាញ់​ស្វាយរៀង ៣-០ ​​ដែល​​គ្រាប់​បាល់​របស់​​ស្វាយរៀង​ ពេល​នោះ​ រក​បាន​ដោយ សុខ សំណាង ពីរ​គ្រាប់​​នាទី​ទី ២១​ និង​នាទី​ទី​ ៣១ ​​ស្រប​ពេល​​គ្រាប់​ទី​៣ ​រក​បាន​ដោយ ហ៊ូយ ផល្លីន ​នៅ​នាទី​ទី​៦៥ ៕ 

(សូមអានបន្ត)

អំបិល និងថ្នាំដុសធ្មេញ អាចកម្ចាត់មុនក្បាលខ្មៅចេញពីច្រមុះគ្មានសល់

 

មនុស្សគ្រប់រូបតែងតែប្រាថ្នាចង់បានស្បែកមុខស្រស់ផូរផង់ គ្មានស្នាមប្រហោង និងគ្មានមុនក្បាលខ្មៅមករំខាននោះឡើយ។ តែសំណាងល្អ អ្នកអាចបង្កើតម៉ាសបិទមុខដោយខ្លួនឯងបាន ហើយមានប្រសិទ្ធភាពអាចកម្ចាត់មុនក្បាលខ្មៅបន្តិចម្តងៗ រហូតទាល់តែបាត់ទាំងស្រុង។

របស់ដែលត្រូវការ៖

- ថ្នាំដុសធ្មេញ (ផ្សំពីជីអង្កាម)

- អំបិល

- ទឹកកក ៣ ទៅ ៤ដុំ (ទឹកកករាងបួនជ្រុង)

ការរៀបចំ៖

- លាយអំបិលជាមួយនឹងថ្នាំដុសធ្មេញនៅក្នុងកូនចានមួយ រហូតដល់រលាយចូលគ្នាសព្វ។

- អនុវត្តត្រង់តំបន់ដែលរងនូវបញ្ហាចំនួន ៥នាទី ដើម្បីឱ្យវាស្ងួត។

- បន្ទាប់មកលាងជ្រម្រះដោយប្រើដុំទឹកកកម៉ាស្សាលើផ្ទៃមុខរបស់អ្នកថ្នមៗ រាងជារង្វង់។ ទឹកកកនឹងជួយបង្រួមរន្ធញើស ហើយការពារមិនឱ្យចេញមុនក្បាលខ្មៅម្តងទៀត។

- ចុងក្រោយប្រើកន្សែងស្អាត មកជូតសម្អាតផ្ទៃមុខរបស់អ្នកចេញ។

សូមប្រយ័ត្ន៖ នៅពេលដែលម៉ាស្សា ត្រូវប្រើទម្ងន់ដៃថ្នមៗ ដើម្បីជៀសវាងការរលាក។ ផ្ទៃមុខរបស់អ្នកអាចក្រហមបន្តិច បន្ទាន់ពីការព្យាបាល ប៉ុន្តែវានឹងត្រលប់មកធម្មតាវិញក្នុងពេលដ៏ខ្លី។ ប្រសិនបើមុខរបស់អ្នកស្ងួត សូមប្រើផលិតផលផ្តល់សំណើច បន្ទាប់ពីអនុវត្តរួច៕

(សូមអានបន្ត)

អាជ្ញាធរទេសចរណ៍ថៃប្រកាសពីផែនការទីផ្សារសម្រាប់ឆ្នាំ២០២៣

       

 ភ្នំពេញ:ថ្ងៃទី២២ ខែកក្កដា ឆ្នាំ២០២២ អាជ្ញាធរទេសចរណ៍ថៃ (TAT) បានប្រកាសពីផែនការទីផ្សារសម្រាប់ឆ្នាំ២០២៣ ដែលនឹងបន្តការរស់ឡើងវិញ និងការផ្លាស់ប្តូរវិស័យទេសចរណ៍ថៃដែលត្រូវបានផ្តួចផ្តើមនៅឆ្នាំនេះ។

កាលពីពេលថ្មីៗនេះ TAT បានរៀបចំផែនការសកម្មភាពប្រចាំឆ្នាំ TAT របស់ខ្លួនសម្រាប់សន្និសីទឆ្នាំ២០២៣ ដើម្បីពិភាក្សាអំពីយុទ្ធសាស្ត្រទេសចរណ៍ក្រោយជំងឺរាតត្បាតកូវីដ-១៩។

នៅក្នុងសន្និសីទនោះ អភិបាល TAT លោក យុទ្ធស័ក្ត ស៊ូប៉ាសន បាននិយាយថា ទីភ្នាក់ងារបានគូសបញ្ជាក់រួចហើយនូវយុទ្ធសាស្ត្រទីផ្សារសម្រាប់ឆ្នាំខាងមុខ ដែលប្រកាន់ខ្ជាប់នូវផែនការសាជីវកម្មសម្រាប់ឆ្នាំ២០២៣-២០២៧ របស់ TAT ដើម្បីពង្រឹងគោលជំហររបស់ TAT ក្នុងនាមជាអ្នកដឹកនាំយុទ្ធសាស្ត្រក្នុងការជំរុញប្រទេសថៃឆ្ពោះទៅរកបទពិសោធន៍ និងចីរភាពក្នុងវិស័យទេសចរណ៍។

TAT នឹងបន្តប្រើប្រាស់កម្មវិធី «ទស្សនាប្រទេសថៃឆ្នាំ២០២២-២០២៣៖ ជំពូកថ្មីដ៏អស្ចារ្យ» ជាយុទ្ធសាស្ត្រទំនាក់ទំនងអន្តរជាតិរបស់ខ្លួន។ ក្រោមពាក្យស្លោក «ពី A ដល់ Z: ប្រទេសថៃដ៏អស្ចារ្យមានគ្រប់អ្វីៗទាំងអស់» ប្រទេសថៃនឹងបន្តទីផ្សារជាគោលដៅលំដាប់ពិភពលោកជាមួយនឹងអ្វីៗទាំងអស់សម្រាប់អ្នករាល់គ្នា។

យោងតាមលោកអភិបាល TAT បានឱ្យដឹងថា TAT និងបណ្តាក្រុមហ៊ុនអាកាសចរណ៍ទាំងអស់នឹងបង្កើតភាពជាដៃគូសហការបន្ថែមទៀតដើម្បីលើកកម្ពស់វិស័យទេសចរណ៍អន្តរជាតិ។ តាមរយៈការផ្សព្វផ្សាយប្រទេសថៃជាទិសដៅទេសចរណ៍ពេញមួយឆ្នាំ លោកក៏បានសង្កត់ធ្ងន់ទៅលើការលើការបង្កើនឱ្យមានភាពមមាញឹកសម្រាប់ការធ្វើដំណើររបស់អ្នកទេសចរក្នុងស្រុកផងដែរ។

ផែនការទីផ្សាររបស់ TAT គឺស្របជាមួយនឹងគំរូសេដ្ឋកិច្ច Bio-Circular-Green ឬ BCG ដែលអនុលោមតាមគោលដៅអភិវឌ្ឍន៍ប្រកបដោយចីរភាពរបស់អង្គការសហប្រជាជាតិ។ លើសពីនេះទៀត ទីភ្នាក់ងារនេះនឹងប្រើប្រាស់គេហទំព័រ https://virtualmart.tourismthailand.org ដែលជាគេហទំព័រទីផ្សារនិម្មិតទេសចរណ៍ថៃជាទម្រង់ B2B តាមប្រព័ន្ធអនឡាញសម្រាប់អាជីវកម្មទេសចរណ៍ថៃ និងប្រតិបត្តិករទេសចរណ៍អន្តរជាតិ៕(ប្រភព NNT បកប្រែដោយលោក យា ចិន្តាខន្តី) សម្រួលផ្សាយដោយ៖ dara

(សូមអានបន្ត)

អគ្គមេបញ្ជាការកងយោធពលខេមរភូមិន្ទអនុញ្ញាតឲ្យអនុព័ន្ធយោធាប៉ាគីស្ថានចូលជួបសម្ដែងការគួរសមនិងពិភាក្សាការងារ

(ភ្នំពេញ)៖ នៅព្រឹកថ្ងៃទី២១ ខែកក្កដា ឆ្នាំ២០២២ នាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ បានអនុញ្ញាតឱ្យ វរសេនីយ៍ឯក Muhammad Tayyab អនុព័ន្ធយោធាប៉ាគីស្ថាន ដែលមាននិវេសនដ្ឋាននៅទីក្រុងបាងកក ព្រះរាជាណាចក្រថៃ ចូលជួបសម្ដែងការគួរសម និងពិភាក្សាការងារ នៅអគ្គបញ្ជាការដ្ឋាន។

 នៅក្នុងឱកាសនោះ វរសេនីយ៍ឯក Muhammad Tayyab បានលើកឡើងពីទំនាក់ទំនងការទូតរវាងកម្ពុជា និងប៉ាគីស្ថានដែលមានតាំងពីឆ្នាំ១៩៥២ ហើយដែលមកដល់បច្ចុប្បន្ននេះប្រទេសទាំងពីរនៅតែមានទំនាក់ទំនងល្អជាមួយគ្នា។ វរសេនីយ៍ឯក Muhammad Tayyab ក៏បានលើកឡើងពីការចូលរួមចំណែកសហការនៅក្នុងវិស័យការពារជាតិជាមួយកម្ពុជា ក៏ដូចជាការចូលរួមជាមួយអង្គការសហប្រជាជាតិនៅឆ្នាំ១៩៩៣ ដើម្បីរៀបចំការបោះឆ្នោតនៅកម្ពុជា។ 

 វរសេនីយ៍ឯក Muhammad Tayyab បញ្ជាក់ថា ដោយកងទ័ពប៉ាគីស្ថាន ជាកងទ័ពមួយដ៏សកម្មនៅក្នុងកិច្ចសហប្រតិបត្តិការថែរក្សាសន្តិភាពរបស់អង្គការសហប្រជាជាតិ ប៉ាគីស្ថានចង់ចែករំលែកបទពិសោធន៍មួយចំនួនដល់កងយោធពលខេមរភូមិន្ទ ក្នុងនោះមានទាំងមុខជំនាញប្រឆាំងភេរវកម្ម ចារកម្ម និងមុខជំនាញនៃបណ្ដាប្រភេទទ័ពផងដែរ ។ 

 លោក វរសេនីយ៍ឯក អនុព័ន្ធយោធាប៉ាគីស្ថាន បានអះអាងថា ប៉ាគីស្ថាន មានជំហរច្បាស់លាស់នៅក្នុងកិច្ចសហការទ្វេភាគីជាមួយប្រទេសកម្ពុជា ដោយកម្ពុជាគឺជាប្រទេសដ៏សំខាន់មួយនៅក្នុងតំបន់អាស៊ាន សម្រាប់កិច្ចសហការថែរក្សាសន្តិភាព ស្ថេរភាពក្នុងតំបន់ ដែលជាកត្តាសំខាន់សម្រាប់ពិភពលោក។ វរសេនីយ៍ឯក Muhammad Tayyab ក៏បានសុំអញ្ជើញនាយឧត្តមសេនីយ៍អគ្គមេបញ្ជាការ ទៅបំពេញទស្សនកិច្ចនៅប្រទេសប៉ាគីស្ថាន ក៏ដូចជាស្នើសុំឱ្យមានការិយាល័យអនុព័ន្ធយោធាកម្ពុជានៅក្នុងប្រទេសប៉ាគីស្ថាន ដើម្បីបង្កើនទំនាក់ទំនងកិច្ចសហប្រតិបត្តិការល្អថែមទៀត។

 ក្នុងកិច្ចឆ្លើយតប នាយឧត្តមសេនីយ៍ វង្ស ពិសេន បានថ្លែងអំណរគុណដល់ប្រទេសប៉ាគីស្ថាន ដែលកន្លងមកបានជួយកម្ពុជានៅក្នុងការបណ្ដុះបណ្ដាលធនធានមនុស្ស ក៏ដូចជាការជួយជ្រោមជ្រែងឧបត្ថម្ភជាច្រើនទៀត ដែលផ្ដល់សារៈសំខាន់សម្រាប់ផលប្រយោជន៍ប្រទេសទាំងពីរ។ 

 នាយឧត្តមសេនីយ៍ វង្ស ពិសេន ក៏បានលើកឡើងពីស្ថានភាពនៅកម្ពុជា ដែលមកដល់បច្ចុប្បន្នកម្ពុជាគ្រប់គ្រងបានល្អនៃការឆ្លងរាលដាលជំងឺកូវីដ១៩ ក្រោមការដឹកនាំដ៏ឈ្លាសវៃ និងការដាក់ចេញយុទ្ធសាស្ត្រច្បាស់លាស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា ។ នាយឧត្តមសេនីយ៍អគ្គមេបញ្ជាការ បានធ្វើការកត់សម្គាល់ដោយពេញចិត្ត ចំពោះទំនាក់ទំនងកិច្ចសហប្រតិបត្តិការរវាងប្រទេសទាំងពីរ ព្រមទាំងបន្តខិតខំលើកកម្ពស់កិច្ចសហប្រតិបត្តិការនេះឱ្យមានកម្រិតឈានឡើង ស្របនឹងខួប៧០ឆ្នាំនៃទំនាក់ទំនង កម្ពុជា-ប៉ាគីស្ថាន ។

 ក្នុងការលើកកម្ពស់កិច្ចសហប្រតិបត្តិការប្រទេសទាំងពីរ នាយឧត្តមសេនីយ៍ វង្ស ពិសេន បានស្នើសុំឲ្យប៉ាគីស្ថានបន្តជួយការបណ្ដុះបណ្ដាលធនធានមនុស្សក្នុងកងយោធពលខេមរភូមិន្ទទាំងផ្នែកកងទ័ពជើងគោក ជើងទឹក ជើងអាកាស កម្លាំងទ័ពពិសេស និងការផ្លាស់ប្ដូរនូវលំហាត់ពីគ្នាទៅវិញទៅមក។ នាយឧត្តមសេនីយ៍ វង្ស ពិសេន បានទទួលយកដោយរីករាយចំពោះការអញ្ជើញទៅធ្វើទស្សនកិច្ចនៅប្រទេសប៉ាគីស្ថាន និងបានធ្វើការពិចារណាចំពោះការស្នើសុំគោលការណ៍សម្រេចពីក្រសួងការពារជាតិ ក្នុងការបង្កើតឱ្យមានការិយាល័យអនុព័ន្ធយោធាកម្ពុជា នៅក្នុងប្រទេសប៉ាគីស្ថាន៕

(សូមអានបន្ត)

ឧបនាយករដ្ឋមន្ត្រី អូន ព័ន្ធមុនីរ័ត្ន៖ ប្រទេសជប៉ុននៅតែជាមិត្តភ័ក្តិដ៏ប្រពៃ និងជាដៃគូយុទ្ធសាស្រ្តអភិវឌ្ឍន៍ដ៏សំខាន់មួយសម្រាប់កម្ពុជា

 

(ភ្នំពេញ)៖ អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានលើកឡើងថា ប្រទេសជប៉ុន នៅតែជាមិត្តភ័ក្តិដ៏ប្រពៃ និងជាដៃគូយុទ្ធសាស្រ្តអភិវឌ្ឍន៍ដ៏សំខាន់មួយ សម្រាប់ប្រទេសកម្ពុជា។ 

 ការលើកឡើងរបស់មន្ត្រីជាន់ខ្ពស់រាជរដ្ឋាភិបាល បែបនេះ តាមរយៈសកម្មភាពជំនួយទាំងឡាយរបស់ជប៉ុនក្នុងការជួយដល់ការអភិវឌ្ឍន៍កម្ពុជា រួមមាន កំពង់ផែសមុទ្រអន្តជាតិ, ផ្លូវថ្នល់-ស្ពាន, អគ្គិសនី, ប្រព័ន្ធធារាសាស្រ្ត, មន្ទីរពេទ្យ, សាលារៀន និង រោងចក្រផលិតទឹកស្អាត ជាដើម។ ការលើកឡើងរបស់ឧបនាយករដ្ឋមន្ត្រី ធ្វើឡើងក្នុងជួបពិភាក្សាការងារជាមួយលោក HATAEDA Mikio អគ្គនាយកទទួលបន្ទុកនាយកដ្ឋានអាស៊ីអាគ្នេយ៍ និងប៉ាស៊ីហ្វិក ទីស្នាក់ការកណ្តាល នៃទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន អមដោយលោកស្រី KAMEI Haruko ប្រធានទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន (JICA) ប្រចាំនៅកម្ពុជា និងសហការី នៅថ្ងៃទី២០ ខែកក្កដា ឆ្នាំ២០២២។

 លោកឧបនាយករដ្ឋមន្ត្រី ក៏បានគូសបញ្ជាក់ថា រដ្ឋាភិបាលជប៉ុន, តាមរយៈទីភ្នាក់ងារសហប្រតិបត្តិការអន្តរជាតិ នៃប្រទេសជប៉ុន (JICA), បានដើរតួនាទីស្នូលយ៉ាងសំខាន់ ក្នុងការផ្តល់ហិរញ្ញប្បទាន សម្រាប់កិច្ចសហប្រតិបត្តិការអភិវឌ្ឍន៍ផ្លូវការ (Japanese ODA) ទាំងក្នុងក្របខ័ណ្ឌហិរញ្ញប្បទានឥតសំណង, ឥណទានសម្បទាន និងជំនួយបច្ចេកទេស ចូលរួមចំណែកក្នុងការអនុវត្ត គោលនយោបាយ និង យុទ្ធសាស្ត្រអភិវឌ្ឍគ្រប់ដំណាក់កាល ដែលរាជរដ្ឋាភិបាលដាក់ចេញពីមួយអាណត្តិទៅមួយអាណត្តិ សម្រាប់អភិវឌ្ឍន៍សេដ្ឋកិច្ច និងសង្គមកម្ពុជា។ លោកបន្តថា ជាក់ស្តែង ស្ថិតក្នុងបរិការណ៍បច្ចុប្បន្ន កម្ពុជាកំពុងប្រឹងប្រែងធ្វើដំណើរយ៉ាងសកម្មឥតឈប់ឈរ ដើម្បីសម្រេចបាននូវក្របខ័ណ្ឌគោលនយោបាយសេដ្ឋកិច្ចរបស់ខ្លួន តម្រង់ទិសឆ្ពោះទៅចក្ខុវិស័យក្លាយជាប្រទេសមាន ចំណូលមធ្យមកម្រិតខ្ពស់ នៅឆ្នាំ ២០៣០ និងស្របតាមគន្លងមាគ៌ាអភិវឌ្ឍន៍ ដែលបានដាក់ចេញនូវ «ចក្ខុវិស័យកម្ពុជា ឆ្នាំ២០៥០», កិច្ចសហប្រតិបត្តិការអភិវឌ្ឍន៍ផ្លូវការ (ODA) របស់មិត្តជប៉ុន ជាធាតុចូលមួយយ៉ាងសំខាន់ ដែលបានឆ្លើយតបទៅនឹងសេចក្តីត្រូវការជាអាទិភាព និងគោលនយោបាយសំខាន់ៗនានារបស់រាជរដ្ឋាភិបាលកម្ពុជា។ 

 អគ្គបណ្ឌិតសភាចារ្យ ឧបនាយករដ្ឋមន្ត្រី សូមកោតសសើរ និងអរគុណចំពោះរដ្ឋាភិបាលជប៉ុន និងប្រជាជនជប៉ុន ជាតាមការផ្តល់ Japanese ODA អនុវត្តដោយ JICA សឹងតែគ្រប់វិស័យនៅកម្ពុជា ជាពិសេស នៅក្នុងក្របខ័ណ្ឌអភិវឌ្ឍន៍ហេដ្ឋារចនាសម្ព័ន្ធរូបវន្ត រួមមានកំពង់ផែសមុទ្រអន្តជាតិ, ផ្លូវថ្នល់-ស្ពាន, អគ្គិសនី, ប្រព័ន្ធធារាសាស្រ្ត, មន្ទីរពេទ្យ, សាលារៀន និង រោងចក្រផលិតទឹកស្អាត ជាដើម ។ល។ សកម្មភាពទាំងនេះ បានឆ្លុះបញ្ចាំងយ៉ាងច្បាស់ថា ប្រទេសជប៉ុន នៅតែជាមិត្តភ័ក្តិដ៏ប្រពៃ និងជាដៃគូយុទ្ធសាស្រ្តអភិវឌ្ឍន៍ដ៏សំខាន់មួយ សម្រាប់ប្រទេសកម្ពុជា ។ ឆ្លៀតក្នុងឱកាសនោះ, អគ្គបណ្ឌិតសភាចារ្យ ឧបនាយករដ្ឋមន្ត្រី ក៏បានសម្តែងនូវការសោកស្តាយ ចូលរួមរំលែកមរណទុក្ខជាមួយរដ្ឋាភិបាល និងប្រជាជនជប៉ុន ចំពោះមរណភាពរបស់លោក Shinzo Abe អតីតនាយករដ្ឋមន្រ្តីជប៉ុន ដែលជាការបាត់បង់ដ៏ធំធេង នូវឥស្សរជនដ៏ឆ្នើម នាពេលថ្មីៗកន្លងមក ។ 

 លោក HATAEDA Mikio សូមថ្លែងអំណរគុណ ចំពោះការចូលរួមរំលែកទុក្ខ របស់អគ្គបណ្ឌិតសភាចារ្យ ឧបនាយករដ្ឋមន្ត្រី រាជរដ្ឋាភិបាលកម្ពុជា និងប្រជាជនកម្ពុជា និងសម្តែងនូវគារវកិច្ចដ៏ខ្ពង់ខ្ពស់ចំពោះ អគ្គបណ្ឌិតសភាចារ្យ ឧបនាយករដ្ឋមន្ត្រី ដែលបានចំណាយពេលវេលាដ៏មានតម្លៃ និងមមាញឹក អនុញ្ញាតឲ្យក្រុមការងារ JICA ទទួលជួបសម្តែងការគួរសម និងពិភាក្សាការងារ។ លោក HATAEDA Mikio បានវាយតម្លៃខ្ពស់ចំពោះកិច្ចខិតខំប្រឹងប្រែង របស់រាជរដ្ឋាភិបាលកម្ពុជា ក្រោមការដឹកនាំប្រកបដោយគតិបណ្ឌិតរបស់ សម្តេចតេជោនាយករដ្ឋមន្ត្រី ចំពោះចំណាត់ការ និងវិធានការនានា ដែលរាជរដ្ឋាភិបាលបានដាក់ចេញ ក្នុងការប្រយុទ្ធប្រឆាំងទៅនឹងនៃជំងឺកូវីដ-១៩។

 លោក HATAEDA Mikio សន្យាបង្កើនឥណទានសម្បទានទ្វេដង សម្រាប់មួយឆ្នាំៗ ដើម្បីឆ្លើយតបទៅនឹងតម្រូវការអភិវឌ្ឍន៍ របស់ប្រទេសកម្ពុជា និងហិរញ្ញប្បទានសហប្រតិបត្តិការនានាបន្ថែមទៀត ដើម្បីជួយគាំទ្រ ដល់សកម្មភាពអភិវឌ្ឍន៍សេដ្ឋកិច្ច-សង្គមនៅកម្ពុជា ។ ភាគីទាំងពីរ ក៏បានពិភាក្សាផ្លាស់ប្តូរយោបល់ និងបទពិសោធន៍ទៅវិញទៅមក លើគម្រោងមួយចំនួនដែលកំពុងដំណើរការ និងបេក្ខភាពគម្រោងថ្មីៗតទៅមុខទៀត ក្នុងក្របខ័ណ្ឌឥណទានសម្បទានពីប្រទេសជប៉ុន (Japanese ODA Loan) ។ អគ្គបណ្ឌិតសភាចារ្យ ឧបនាយករដ្ឋមន្ត្រី បានផ្តល់អនុសាសន៍ និងសំណូមពរដល់ JICA ចំពោះបេក្ខភាពគម្រោងនីមួយៗ ដែលកំពុងស្ថិតក្នុងដំណាក់កាលសិក្សាសមិទ្ធិលទ្ធភាព គួរត្រូវបានគិតគូរ និងសូមបន្តយកចិត្តទុកដាក់ខ្ពស់ទៅលើប្រសិទ្ធភាព, ចីរភាព សំខាន់ការរួមបញ្ចូលគ្នារវាងទិសដៅអភិវឌ្ឍន៍វិស័យសេដ្ឋកិច្ច សង្គម ឱ្យមានភាពប្រទាក់ក្រឡាជាមួយគោលនយោបាយ និងយុទ្ធសាស្រ្តពាក់ព័ន្ធ និងឆ្លើយតបផងដែរ ទៅនឹងផែនការយុទ្ធសាស្រ្តអភិវឌ្ឍន៍ជាតិរបស់កម្ពុជា៕

(សូមអានបន្ត)

ឯកឧត្តម គួច ចំរើន បើកកិច្ចប្រជុំគណៈកម្មាធិការសម្របសម្រួលបច្ចេកទេសក្រុមប្រឹក្សាខេត្ត ដើម្បីពិនិត្យ និងពិភាក្សាលើសេចក្តីព្រាងគម្រោងវិនិយោគ និងចាត់អាទិភាពគម្រោងដែលគ្រោងប្រើប្រាស់ថវិកាខេត្ត

ព្រះសីហនុ៖ កាលពីរសៀលថ្ងៃទី២២ ខែកក្កដា ឆ្នាំ២០២២ ឯកឧត្តម គួច ចំរើន អភិបាល នៃគណៈអភិបាល ខេត្តព្រះសីហនុ ដឹកនាំកិច្ចប្រជុំគណៈកម្មាធិការសម្របសម្រួលបច្ចេកទេសក្រុមប្រឹក្សាខេត្ត ដើម្បីពិនិត្យ និងពិភាក្សាលើសេចក្តីព្រាងគម្រោងវិនិយោគ និងចាត់អាទិភាពគម្រោងដែលគ្រោងប្រើប្រាស់ថវិកាខេត្ត ដោយមានការចូលរួមពីលោកជំទាវក្រុមប្រឹក្សាខេត្ត អភិបាលរងខេត្ត នាយករដ្ឋបាលសាលាខេត្ត អភិបាលក្រុង ស្រុក និងប្រធានមន្ទីរ អង្គភាពពាក់ព័ន្ធក្នុងខេត្តព្រះសីហនុ។

ឯកឧត្តម គួច ចំរើន អភិបាលខេត្តព្រះសីហនុ មានប្រសាសន៍បើកកិច្ចប្រជុំដោយគូសបញ្ចាក់ថា ផ្អែកលើគម្រោងអភិវឌ្ឍសម្រាប់ឆ្នាំ២០២៣ សម្រាប់ការអភិវឌ្ឍនៅតាមឃុំសង្កាត់ មានភាពខុសគ្នា ដោយសារពីបណ្តាឆ្នាំមុនៗ យើងធ្វើការបែងចែកកញ្ចប់ថវិកា បែងចែកតាមអនុគណនេយ្យ ផ្អែក

តាមទំហំថវិការបស់ក្រសួងសេដ្ឋកិច្ច និងហិរញ្ញវត្ថុ កញ្ចប់ថវិកាត្រូវធ្វើការបែងចែកទៅគ្រប់ឃុំសង្កាត់ នៅទូទាំងខេត្តព្រះសីហនុ ដោយសារឆ្នាំកន្លងមក ការអភិវឌ្ឍន៍យើងប្រមូលផ្តុំនៅតែតំបន់ទីក្រុង ក៏ប៉ុន្តែកញ្ចប់ថវិកាឆ្នាំ២០២៣ យើងត្រូវធ្វើការបែងចែកកញ្ចប់ថវិកាទៅតាមឃុំសង្កាត់ទាំង២៩ក្នុងខេត្ត

ព្រះសីហនុ ដោយធ្វើយ៉ាងណាក្នុងមួយឃុំសង្កាត់ ឱ្យបានមួយគម្រោង ដូច្នេះអភិបាលក្រុងស្រុក ត្រូវពិនិត្យ និងផ្តល់យោបល់ថា តើតំបន់ណាជាតំបន់អាទិភាព (តំបន់ប្រជុំជន)។

 ដូច្នេះយើងត្រូវធ្វើការសិក្សាវាយតម្លៃអំពីគម្រោងវិនិយយោគនីមួយៗដោយយកចិត្តទុកដាក់ ដើម្បីឱ្យសមិទ្ធផលរបស់យើងបានកាន់តែច្រើននៅតាមមូលដ្ឋាន៕ដោយ៖ មន្ទីរព័ត៌មានខេត្តព្រះសីហនុ សម្រួលផ្សាយដោយ៖ dara

(សូមអានបន្ត)

អភិបាលខេត្តកែបប្រគល់ពានរង្វាន់ជូនដល់អ្នកឈ្នះការប្រកួតកីឡាសិស្សមធ្យមសិក្សា ជ្រើសរើសជើងឯកទូទាំងខេត្ត

កែប ៖ រសៀលថ្ងៃទី២២ ខែកក្កដា ឆ្នាំ២០២២ ឯកឧត្តមបណ្ឌិតសោម ពិសិដ្ឋ អភិបាលខេត្តកែប បានអញ្ជើញសំណេះសំណាល និងប្រគល់ពានរង្វាន់ ជូនដល់កីឡាករ កីឡាការិនី ជាប់ចំណាត់ថ្នាក់លេខ ១ ដល់លេខ ៣ ក្នុងការប្រកួតកីឡាសិស្ស មធ្យមសិក្សា ជ្រើសរើសជើងឯកទូទាំងខេត្ត ប្រចាំឆ្នាំ២០២១- ២០២២។

ក្នុងពិធីបិទការប្រកួតកីឡា មធ្យមសិក្សា នាពេលនោះ លោក ងួន ច័ន្ទសុជាតា ប្រធានមន្ទីរអប់រំ យុវជន និងកីឡាខេត្តកែប​បានរាយការណ៍ថា៖​ ការប្រកួតកីឡា​ សិស្ស មធ្យមសិក្សា ជ្រើសរើសជើងឯកឆ្នាំ២០២១-២០២២នេះ មានរយៈពេល ០៣ថ្ងៃ ចាប់ពីថ្ងៃទី២០ ដល់ថ្ងៃទី២២ ខែកក្កដា ឆ្នាំ២០២២ មានក្រុមកីឡាចូលរួមសរុបចំនួន ២៥ក្រុម (កីឡាករ កីឡាការិនី ចំនួន ៣១២នាក់/ស្រី ៤៨នាក់ ប្រតិភូដឹកនាំ ៦២នាក់/ស្រី០៩នាក់ )។

ឆ្លងតាមការប្រកួតអស់រយៈពេល ០៣ថ្ងៃនេះ ក្រុមកីឡាដែលចូលរួមប្រកួតកីឡាទាំង០៤ ប្រភេទ មាន បាលទាត់ (បុរស) បាល់ទះ( បុរស-នារី) ប៊ូល (បុរស) និងអត្តពលកម្ម (បុរស នារី )ជាលទ្ធផលគឺ​ វិទ្យាល័យ ហ៊ុន សែន ចំការដូងទទួលបាន ១៤មេដាយ, វិទ្យាល័យ ប៊ុន រ៉ានី ហ៊ុន សែន ចរិយាវង្ស ទទួល ១២មេដាយ, អនុវិទ្យាល័យ​ សង្គមរាស្ត្រនិយម ៨មេដាយ, អនុវិទ្យាល័យ ហ៊ុន សែន កែប ៧មេដាយ, អនុវិទ្យាល័យ​ ពងទឹក ៧មេដាយ​ និងអនុវិទ្យាល័យ​ ហ៊ុន សែន អង្កោល ៤មេដាយ។

ក្នុងឱកាសនោះ  ឯកឧត្តមបណ្ឌិត សោម ពិសិដ្ឋ អភិបាលខេត្តកែប មានប្រសាសន៍ថា ក្រោមម្លប់សុខសន្តិភាព ធ្វើឱ្យប្រទេសជាតិមានការអភិវឌ្ឍន៍ រីកចម្រើនលើគ្រប់វិស័យ​ និយាយជារួម និងនិយាយដោយឡែក ថ្នាក់ដឹកនាំខេត្តកែប បានខិតខំរក្សាសណ្តាប់ធ្នាប់សាធារណៈ សន្តិសុខសង្គម បានល្អប្រសើរជូនប្រជាពលរដ្ឋទូទាំងខេត្ត​ ។​ ក្រោមការដឹកនាំដ៏ប៉ិនប្រសព្វរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានលើកកម្ពស់វិស័យកីឡា ជាពិសេសការសម្រេចចិត្តធ្វើជាម្ចាស់ផ្ទះនៃការប្រកួតកីឡាស៊ីហ្គេមលើកទី៣២ ក្នុងខែឧសភា ឆ្នាំ២០២៣ ក្រសួងអប់រំ យុវជន និងកីឡា បានធ្វើការប្តេជ្ញាចិត្តខ្ពស់ ខិតខំប្រឹងប្រែងកំណែទម្រង់គ្រប់ទិដ្ឋភាពទាំងក្នុងក្របខណ្ឌគោលនយោបាយ និងក្របខណ្ឌបច្ចេកទេស ដោយផ្អែកលើគោលនយោបាយជាតិ​ ស្តីពី​ការអភិវឌ្ឍន៍វិស័យអប់រំកាយ និងកីឡា ផែនការឆ្ពោះទៅឆ្នាំ២០២៣ ដោយផ្តោតលើការកសាងហេដ្ឋារចនាសម្ព័ន្ធកីឡាសម្រាប់ការហាត់ហ្វឹកហ្វឺន ការបណ្តុះបណ្តាលធនធានមនុស្សទាំងបរិមាណ និងគុណភាព និងការរៀបចំប្រកួតកីឡាគ្រប់ប្រភេទប្រកបដោយ ស្តង់ដារ។ ទន្ទឹមនឹងនោះ​ ខេត្តកែប​ ក៏នឹងធ្វើជាម្ចាស់ផ្ទះ ការប្រកួតកីឡាស៊ីហ្គេមលើកទី៣២ ឆ្នាំ២០២៣​ លើវិញ្ញាសាកីឡាទ្រីយ៉ាត្លុង ក្នុងព្រឹត្តិការណ៍ប្រកួតដ៏មានសារៈសំខាន់នោះផងដែរ។

   ជាមួយគ្នានេះ​ ឯកឧត្ដម​ អភិបាលខេត្ត​   ក៏បានធ្វើការផ្តាំផ្ញើ និងផ្ដល់អនុសាសន៍   មួយចំនួនជូនដល់​ ក្មួយៗសិស្សានុសិស្ស​ គណៈគ្រប់គ្រងសាលា និងមន្ទីរអប់រំ យុវជន និងកីឡាខេត្ត ដូចខាងក្រោម ៖

១-សូមក្មួយៗទាំងអស់ ចៀសឱ្យឆ្ងាយពីគ្រឿងញៀន។

២-សូមចូលរួមគោរពច្បាប់ចរាចរណ៍ឲ្យបានខ្ជាប់ខ្ជួន ដោយពាក់មួកសុវត្ថិភាព គោរពសិទ្ធអាទិភាពនិងចេះយោគយល់គ្នា។

៣-សូមក្មួយៗទាំងអស់​ បន្តចាក់វ៉ាក់សាំងដូសជំរុញ​​ តាមកាលកំណត់ឱ្យបានគ្រប់គ្នា និងចូលរួមអនុវត្តនូវវិធានការ ៣កុំ ៣ការពារ ជាប្រចាំ។

៤-សូមក្មួយៗកីឡាករ កីឡាការិនីទាំងអស់ យកចិត្តទុកដាក់ចូលរួមហ្វឹកហាត់ និងលេងកីឡា ទៅតាមការបង្ហាត់បង្ហាញរបស់ លោកគ្រូ អ្នកគ្រូ ប្រកបដោយស្មារតីសាមគ្គីភាព មិត្តភាព ភាតរភាព។

៥-គណៈគ្រប់គ្រងគ្រឹះស្ថានសិក្សាទូទាំងខេត្ត ត្រូវយកចិត្តទុក ដាក់ពង្រឹងការអនុវត្តន៍ការអប់រំកាយ និងកីឡា ព្រោះថាការអប់រំកាយ​ និងកីឡាត្រូវបានចាត់ទុកជាមុខវិជ្ជាមួយក្នុងកម្មវិធីសិក្សារបស់រដ្ឋ ដែលសិក្សាអំពីសិល្បៈនៃការធ្វើចលនា និងសុខភាព របស់សិស្សានុសិ្ស។

៦-គ្រប់គ្រឹះស្ថានសិក្សា ត្រូវខិតខំកែលម្អទីលានលេងកីឡា​ រួមមាន បាលទាត់ បាល់ទះ ប៊ូល និងអត្តពលកម្មឲ្យបានច្រើន។

៧-មន្ទីរអប់រំ យុវជន និងកីឡាខេត្ត ត្រូវបន្តការយកចិត្តទុកដាក់រៀបចំដំណើរការប្រកួតកីឡាសិស្សបឋមសិក្សា មធ្យមសិក្សា និងមហាជន និងការរៀបចំព្រឹត្តិការណ៍កីឡាផ្សេងៗដោយ សហការជាមួយក្លឹបកីឡានានា ដែលមានក្នុងខេត្ត និងខិតខំទំនាក់ទំនងជាមួយសហព័ន្ធកីឡានានា ក្នុងការរៀបចំកីឡាករ កីឡាការិនីតាមប្រភេទវិញ្ញាសា ដែលត្រូវប្រកួត ដើម្បីត្រៀមលក្ខណៈចូលរួមប្រកួតកីឡាជាតិលើកទី៣ នៅខែវិច្ឆិកា ឆ្នាំ២០២២​ ខាងមុខនេះ៕ដោយ ៖ មន្ទីរព័ត៌មានខេត្តកែប:សម្រួលដោយ:dara

(សូមអានបន្ត)