រដ្ឋមន្ត្រី ប៉េង ពោធិ៍នា ទទួលជួបពិភាក្សាការងារទ្វេភាគីជាមួយក្រុមប្រឹក្សាធុរកិច្ច អាម៉េរិក-អាស៊ាន (US-ABC)

(ឡាវ)៖ ក្នុងឱកាសអញ្ជើញចូលរួមកិច្ចប្រជុំរដ្ឋមន្ត្រីដឹកជញ្ជូនអាស៊ានលើកទី២៩ នៅទីក្រុងហ្លួងព្រះបាង នៃសាធារណរដ្ឋប្រជាធិបតេយ្យប្រជាមានិតឡាវ លោក ប៉េង ពោធិ៍នា រដ្ឋមន្ដ្រីក្រសួងសាធារណការ និងដឹកជញ្ជូន បានទទួលជួបពិភាក្សាការងារទ្វេភាគីជាមួយ គណៈប្រតិភូក្រុមប្រឹក្សាធុរកិច្ចអាម៉េរិក-អាស៊ាន (US-ABC) ដឹកនាំដោយ លោកឯកអគ្គរដ្ឋទូត Brian McFeeters អនុប្រធានជាន់ខ្ពស់របស់ក្រុមប្រឹក្សា និងជាប្រធានគ្រប់គ្រងប្រចាំតំបន់ ដើម្បីធ្វើការពិភាក្សា និងផ្លាស់ប្តូរយោបល់ពីឱកាសធ្វើប្រតិបត្តិការធុរកិច្ច និងវិនិយោគនៅកម្ពុជា ក្នុងវិស័យដឹកជញ្ជូន និងឡូជីស្ទីក៕