ឯកឧត្តម អភិបាលខេត្តពោធិ៍សាត់ បានអញ្ជើញចុះជួបប្រជាពលរដ្ឋ ជាប្រជានេសាទ ក្នុងស្រុកក្រគរ

 

ខេត្តពោធិ៍សាត់÷ ថ្ងៃសៅរ៍ ទី២១ ខែធ្នូ ឆ្នាំ២០២៤ ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ បានអញ្ជើញចុះជួបប្រជាពលរដ្ឋប្រជាសាទ អមដំណើរដោយ ឯកឧត្តមអភិបាលរងខេត្ត ប្រធានមន្ទីរពាក់ព័ន្ទ អភិបាលស្រុកក្រគរ នាយខណ្ឌរដ្ឋបាលជលផលពោធិសាត់ នាយផ្នែករដ្ឋបាលជលផលក្រគរ នាយ-នាយរងសង្កាត់កំពង់លួង កងរាជអាវុធហត្ថខេត្ត ស្រុកក្រគរ នគរបាលប្រឆាំងបទល្មើសសេដ្ឋកិច្ចខេត្ត នគរបាលស្រុកក្រគរ មេឃុំ-ប៉ូលីសប៉ុស្តិ កំពង់លួង បានចុះជួបប្រជាពលរដ្ឋចំនួន ១៥០គ្រួសារ ដើម្បីពិនិត្យស្ថានភាព និងស្តាប់សំណូមពររបស់ប្រជានេសាទនៅឃុំកំពង់លួង ស្រុកក្រគរ។

ក្នុងនោះផងដែរ ឯកឧត្តមបានណែនាំ និងសំណូមពរដល់ប្រជានេសាទទាំងអស់ ចូលរួមអនុវត្តតាមច្បាប់បានកំណត់ ដេីម្បីឱ្យមច្ឆាជាតិយេីងនៅតែសម្បូរតជំនាន់ កុំធ្វេីការនេសាទខុសច្បាប់ បំផ្លាញពូជមច្ឆាជាតិដេីម្បីផលប្រយោជន៍រយៈពេលខ្លី តែខាតបង់បង់ផលប្រយោជន៍រយៈពេលវែង។